Қазақстанда балалар еңбегін заңсыз пайдаланудан қорғайтын арнайы ережелер бар.
14 жастан 16 жасқа дейінгі жасөспірімдерге аптасына 24 сағаттан артық жұмыс істеуге рұқсат етілмейді, деп хабарлайды aqshamnews.kz Оқу-ағарту министрлігінің баспасөз қызметіне сілтеме жасап.
"Егер жасөспірім 16 – 18 жаста болса, 36 сағатқа дейін жұмыс істеуге рұқсат етілген. Бірақ жұмыс денсаулыққа зиянсыз, қауіпсіз ортада өтуі және жасөспірімге шамадан тыс ауыртпалық түсірмеуі тиіс",- делінген ақпаратта.
Сондай-ақ жұмыс істеу үшін ата-анаңның рұқсаты мен келісімінің болуы міндетті.
Тағы бір ескеретін жайт:
"Еңбек заңнамасына сәйкес, түнгі уақытта – сағат 22:00-ден 6:00-ге дейін жұмыс істеуге, қосымша жүктемемен еңбек етуге, сондай-ақ қауіпті әрі зиянды жағдайларда жұмыс жасауға қатаң тыйым салынады".