Президентіміз Қасым-Жомарт Тоқаев «Егемен Қазақстан» газетіне берген сұхбатында ғылым мен білім төңірегінде біраз сөз қозғады. Соның ішінде қоғамдағы қаржылық сауаттылықтың орны ерекше екенін атап өткен еді.
Елімізде бәсекелестік деңгейі жоғары. Жұмыс сапасын арттыру керек. Таныс арқылы жұмысқа тұру, жемқорлық деген нәрсені тамырымен жою басты міндет. Біздің қоғамда білімді, дарынды мамандар көп. Өзінің жұмысын дұрыс атқара алмайтындарды орнынан босатып, істей алатын білікті маманды орналастыру маңызды.
Біздің мемлекетте ғалымдардың саны аз. Көршілес Жапония мемлекетінде 60 мыңға жуық ғалым бар екен. Біздің мемлекетте 10 мыңға да жетпейді. Негізгі маңызды жаңалықтардың бәрі осы ғалымдардан шығады. Сондықтан ғалымдардың санын арттыру маңызды. Осы орайда, үкімет тарапынан көптеген гранттар бөлінуде. Қазіргі таңда жоғарғы оқу орындарын маңызды ескеретін нәрсе бар. Ол кадр даярлаудағы қаржылық сауаттылықтың орны. Себебі, көптеген адамдар қаржылық сауаттылық болмағандықтан алаяқтарға алданып қалып жатады. Сонымен қатар, несиеге алғандағы қосылатын пайыз жайында білмеу өзінің кері әсерін тигізеді.
Кез келген шешім халық бақылауында болу керек. Болашақ – жастардың қолында. Сондықтан да біз шетелдің жоғарғы оқу орындарымен байланыс орнатамыз. Білім деңгейі жоғары мемлекеттерде оқыған жастарымыз ертең үлкен нәтижелер көрсетеді. Жастарымызға дұрыс бағыт-бағдар беруіміз керек. Президентіміз алдымызға көп мәселелер қойды. Оны орындау барлығымыздың парызымыз. Ұлт болып бірігіп, еліміздің дамуына өз үлесімізді тигізейік. Сөз бен істің арасындағы айырмашылықтың алшақ болмауы маңызды.