Бізді қоршаған ортаның аса маңызды бөлігі шапшаң жоғалуда.
Бұл жайында күллі әлем бойынша далалық зерттеу нәтижелері мен мәліметтері қамтылған «Тірі планета» атты Бүкіл әлемдік жабайы табиғат қорының (WWF) баяндамасында жарияланған, деп хабарлайды aqshamnews.kz.
Әр екі жыл сайын жарияланатын есепке сәйкес, 1970-ші жылдан 2020 жылға дейін жабайы табиғат орташа есеппен 73 пайызға қысқарған. Тіпті, Латын Америкасы мен Кариб бассейнінде бұл көрсеткіш 95 пайызға жеткен. Мұның қаупі сонда – жабайы табиғат жоғалса, табиғат та жойылады. Биологиялық әр алуандылық азайған сайын адамның өмір сүру мүмкіндігі тарылады: таза су, таза ауа, азық-түлік, дәрі-дәрмек, т.б. жоғалады.