Қазақстанның еңбек сіңірген қайраткері, актер Асылбек Боранбаев өз таңдауын жасады, деп хабарлайды Almaty-akshamy.kz
"Жарқын болашақ үшін дауыс бердік", - дейді актер.
«Сайлаудан қалған емеспіз. Ұдайы қатысып келемін. №129 сайлау учаскесінде таңдау жасалды. Еліміздің бір азаматы ретінде сайлауға баруымыз керек. Жарқын болашақ, ұрпақ үшін таңдау жасаған жөн. Мемлекет гүлденсін десек, үйде қалмай сайлау орталықтарына барып, даусымызды беру міндет деп санаймын. Әділетті Қазақстан орнатқымыз келсе, алқалы процестен қалмайық.
Соңғы кездері «менсіз де сайлау өтеді» деген жаңсақ пікір ұшырасады. Сын орынды болса игі. Әрбір сайлаушы өз даусын қадағаласа, бақылаушылар да соған мүдделі болса, әділдік орнайды. Сондықтан сайлау бекетіне келіп өз таңдауымызды жасайық. Үкіметтің сапалы іс атқаруы, бюджеттің бекітілуі, алдағы мемлекеттік жоспарлар осы науқанға тікелей байланысты болып тұр. Осы ретте әрбір сайлаушы сайланушының сайлауалды бағдарламаларын орындалуын қадағалануы тиіс. Сол кезде ғана демократиялы елге айналамыз», - дейді Асылбек Боранбаев.