Жапония премьер-министрі Фумио Кишида 9 тамызда Астанаға келмейтін болды. Оның сапары Жапониядағы жер сілкіністеріне байланысты тоқтатылды.
Фумио Кишида сапары барысында Қазақстан, Өзбекстан және Моңғолияға баруды және Астанада "Орталық Азия + Жапония" диалогының бірінші саммитіне қатысуды жоспарлаған еді.
Жапонияның Миядзаки префектурасында болған күшті жер сілкінісінен кейін, елдің метеорологиялық департаменті Нанкай шұңқырында болуы мүмкін мега-жер сілкінісі және цунами қаупі туралы ескерту жариялады.
Осыған байланысты, премьер-министр Орталық Азияға сапарын тоқтатуға мәжбүр болды.