Алматы қаласының Полиция департаменті 29 қазанда әлем чемпионы Жанқош Тұраровқа қатысты қозғалған қылмыстық істің тоқтатылғанын мәлімдеді, деп хабарлайды aqshamnews.kz
Ауэзов аудандық полиция басқармасы боксшыға қатысты Қазақстан Республикасының Қылмыстық кодексінің 120-бабының 1-бөлігі бойынша қылмыстық істі тергеген.
«Тергеу барысында сот-медициналық және сот-биологиялық сараптамалар жүргізілді, олардың нәтижесінде зорлау фактісі расталмады. 2024 жылдың 20 қазанында ҚР Қылмыстық-процестік кодексінің 35-бабы 1-бөлігі 2-тармағына сәйкес сотқа дейінгі тергеуді тоқтату туралы түпкілікті шешім қабылданды», — деп мәлімдеді полицияда.
Қабылданған шешімге Ауэзов ауданының прокуратурасы келісімін берген.
Айта кетсек бұған дейін Жанқош Тұраровтың адвокаты мәлімдеме жасаған болатын.