Қазгидромет синоптиктері мәліметтеріне сүйенсек, бүгін атмосфералық фронтальды бөлімдердің өтуімен республика аумағының басым бөлігінде жауын-шашын жауады, деп хабарлайды aqshamnews.kz.
Түнде еліміздің оңтүстігінде, оңтүстік-шығысының таулы аудандарында жаңбырдың арты қарға ұласады деп күтіледі. Түнде республиканың оңтүстік-шығысында қатты жаңбыр жауады. Түнде шығыс, оңтүстік, орталық аумақтарда қар жауады деп болжанып отыр.
Елдің батысында, солтүстік-батысында, солтүстігінде жауын жаумайды деген болжам бар. Еліміздің басым аумағында жел күшейіп, түнгі және таңертеңгі сағаттарда тұман түседі.
Түнде Қызылорда, Түркістан облыстарында 1-6 градус үсік күтіледі.
Батыс Қазақстан облысының батысында, оңтүстігінде, Қызылорда облысының орталығында, солтүстігінде, батысында, Атырау облысының батысында, солтүстігінде жоғары өрт қаупі сақталады