Себебі, мерзімі әлі аяқталмаған жеке куәліктер жарамды.
Дегенмен 86 мың қазақстандық жаңа үлгідегі жеке куәлік алды, деп хабарлайды Аlmaty-akshamy.kz ІІМ ақпаратына сілтеме жасап.
Ішкі істер министрлігінің ресми өкілі Шыңғыс Алекешевтің айтуынша, 15 маусымнан бастап 86 мың қазақстандық жаңа үлгідегі жеке куәлік алған.
«2024 жылғы 15 маусымнан бастап жаңа үлгідегі Қазақстан азаматының жеке куәлігі қолданысқа енгізілді. Сол уақыттан бері 86 мыңға жуық жеке куәлік әзірленді. Онда жеке куәлік иесінің азаматтығы мен жынысы туралы деректер көрсетіледі. Жалпы жаңа дизайнды жасау үшін бюджеттен ешқандай шығын болмады», - деді Шыңғыс Алекешев.
Ол жарамдылық мерзімі әлі аяқталмаған жеке куәліктер жарамды болатынын атап өтті.
«Яғни бір мезгілде жаппай құжат ауыстыру науқаны болмайды. Тек жеке куәлігінің пайдалану мерзімі біткен азаматтардың құжаты жаңа дизайнда жасалып беріледі», - деді ресми өкіл.