ҚР Президентінің Жарлығымен марқұмға "Халық қаһарманы" атағы берілді.
Жамбыл облысының әкімі Бердібек Сапарбаев Жамбыл облысында облыстық төтенше жағдайлар бойынша өрт сөндіру және апаттан құтқару қызметі басқармасы бастығының орынбасары, полковник Мейіржан Аймановтың құрметіне «Халық қаһарманы» монументінің салынатынын айтты, деп хабарлайды Almaty-akshamy.kz
Мейіржан Қақпасынұлы Аймановқа қайтыс болғаннан кейін Қазақстан Республикасына сіңірген айрықша қызметі, қызметтік борышында көрсеткен ерлігі мен адалдығы үшін «Халық қаһарманы» атағы, айрықша белгісі бар - Алтын Жұлдыз бен «Отан» ордені берілді.
Тараздық ВТВС телеграм каналының мәліметінше, Мейіржан Аймановтың бес баласы бар. Полковниктің жесірі қайтыс болған күйеуінің арманын орындап, жаңа үй салмақшы. Ал ұлдары әкесінің жұмысын жалғастыруға ниетті.