Елде жұмыс істеген ресейлік құтқарушылар үйлеріне қайтты.
Сирия Президенті жер сілкінісі құрбандарына гуманитарлық көмек жеткізу үшін Түркия шекарасында және елдің көтерілісшілер бақылауындағы солтүстік-батыс аудандарында тағы екі өткізу пунктін ашуға келісті. Бұл туралы Башар Асад Дамаскідегі кездесу барысында БҰҰ Төтенше жағдайлар жөніндегі үйлестірушісі Мартин Гриффитске мәлімдеді, деп хабарлайды Almaty-akshamy.kz. Azattyq Ruhy-на сілтеме жасап.
Шекара бекеттері үш ай жұмыс істейді. Ал Идлибке келетін болсақ, ол Сирия режимінің қарсыластарының заставасы, БҰҰ оған тек бір өткізу пункті арқылы кіруге рұқсат алды, бұл көмек жеткізуді қиындатады.
Сирия жер сілкінісінен кейін іздеу-құтқару жұмыстарының аяқталғанын жариялады. Онда жұмыс істеген ресейлік құтқарушылар үйлеріне қайтты.
Тірі адамдарды табу мүмкіндігі нөлге тең болғандықтан, түрік және Сирия билігінің басымдығы баспанасынан айырылған жүздеген мың адамға көмектесу болып отыр.
Түрік Үкіметінің мәліметі бойынша, студенттік жатақханаларға шамамен 1,2 миллион адам орналастырылды, 206 000-нан астам шатыр орнатылды және қираған аудандардан 400 000 адам эвакуацияланды. Түркия вице-президенті Фуат Октайдың айтуынша, құлаған ғимараттарда 574 бала ата-анасынан айырылған.
Соңғы мәліметтерге сәйкес, Түркия мен Сириядағы жер сілкінісі құрбандарының ресми саны 37 мыңнан асқан. Сирияның Денсаулық сақтау министрі Хасан Мұхаммед әл-Хабаш Сирия үкіметінің бақылауындағы аумақтарда қаза тапқандар саны 1 мың 414-ке жетті, ал зардап еккендердің саны 2 мың 357 адам деп мәлімдеді.
Айта кетейік, Қазақстан жер сілкінісінен зардап шеккен Сирияға 50 тонна гуманитарлық көмек жіберуді зілзала болған алғашқы күндері қолға алған. Гуманитарлық көмектің үшінші ұшағы дүйсенбі күні кешке Алеппо әуежайына жетті. Жеткізілген қажетті заттардың ішінде консервілер, жылы киімдер, қысқы шатырлар, кереуеттер мен төсек-орын жабдықтары бар.