Қазақстандық фристайлшы Юлия Галышева АҚШ-тың Уотервилл қаласында өткен әлем кубогының жеке параллельді могул жарысында қола медаль иеленді. Ол биылғы маусымда медаль алған алғашқы қазақстандық спортшы атанды, деп хабарлайды aqshamnews.kz
Жартылай финалда жеңіліске ұшырағанымен, үшінші орын үшін өткен жарыста Галышева канадалық Майя Швингаммерді сенімді түрде жеңіп шықты. Бұл жеңіс Юлияның әлем кубогындағы 22-ші медалі болып тіркелді.
Юлия Галышева – Қазақстанның спорт тарихындағы ең танымал фристайлшыларының бірі және әлемдік деңгейдегі жарыстарда ел намысын сәтті қорғап келе жатқан мақтанышымыз.