Орталық қалалық клиникалық ауруханаға инфарктқа күдікті 45 жастағы науқас шұғыл түрде жеткізілді. Бұл онымен соңғы жылы үшінші рет болған жағдай.
Инфарктқа күдікпен ол алғаш рет өткен жылы дәрігерлер алдыңғы қарыншалық артерияға стент орнатқан кезде түсті. Осы жылдың ақпанында науқастың айналма артериясына тағы бір стент салынды. Алайда ол жақында қайтадан көмекке жүгінді және дәрігерлер онвң оң жақ коронарлық артериясын стенттеуге мәжбүр болды.
"Науқас көп тамырлы зақымданудан зардап шегеді, бұл шұғыл стенттеудің жиі жағдайын түсіндіреді. Бұл жолы ол миокард инфарктісі сатысында жүректің ауырсынуымен түсті. Жүргізілген коронарография оң жақ коронарлық артерияның артқы бүйір тармағының 75% стенозын көрсетті. Бұл атеросклеротикалық түйіншектің ісінуі мен қабынуына байланысты болды, ол жарылып, тромбозға әкелуі мүмкін еді", - деп түсіндірді ОҚКА рентгенхирургы Ержан Құттығожин.
Пациенттің уақтылы медициналық көмекке жүгінуі және жүргізілген стенттеу толық миокард инфарктісінің алдын алды.
"Адамның жүрегін екі сол және оң коронарлық артерия қанмен қамтамасыз етіледі. Сол жақ артерия алдыңғы қарыншалық және айналма, ал оң жақ артқы қарыншалық және артқы бүйірлік тармақтарға бөлінеді. Жүректі қамтамасыз ететін бұл тамырдың барлығы уақыт өте келе зардап шекті және әрқайсына стент орнату қажет болды", - деп қосты рентгенхирург.
Алматылық дәрігерлердің үйлесімді жұмысының арқасында пациент ауыр зардаптан үш рет құтылып, қазір мамандардың бақылауымен қалпына келіп жатыр.