Гиппократтың өзі : «Басты дәрі – тамағың болсын» деген. Қазіргідей экологияның сапасы сын көтермейтін уақытта және күз келіп, күн суытқан шақта ағзаның қорғаныш қабілетін дәрі-дәрмекпен емес, азық-түлік арқылы нығайтқан жөн.
Таблеткадан гөрі табиғи өнімнің пайдасы зор екенін айтқан дәрігерлер иммундық жүйеге пайдалы мына тізімді ұсынады:
1. Aлма
2. Лимон
3. Киви
4. Құрма
5. Теңіз шырғаны
6. Итмұрын
7. Мүкжидек
Табиғаттың барлық сыйы денсаулыққа пайдалы. Бірақ кейбір жеміс-жидектер иммунитет үшін нағыз пайдалы суперфуд қатарында.
1. Aлма
Британдықтардың: «күніне бір алма жеген адамға дәрігердің керегі жоқ» дегенге саятын мақалы бар. Бұл жемісте иммундық жүйенің жұмыс істеуі үшін қажетті: өсімдік «антибиотиктері» фитонцидтер, С витамині, В дәрумендері, сондай-ақ марганец, темір, мыс секілді пайдалы заттар кездеседі.
2. Лимон
Лимонның иммунитетке пайдалы екенін бәрі білетін шығар. Екі ғасыр бұрын Британ Корольдігі Әскери-теңіз күштерін жаңа лимондармен үнемі қамтамасыз етуге бұйрық берген екен.
Бір қызығы, лимонның арқасында аскорбин қышқылының сенімді серігі және көмекшісі Р дәрумені (рутин) ашылды. Бұл екі зат бір-бірінің пайдалы қасиеттерін екі есе арттырады.
3. Киви
Кивидің отыздан астам түрі бар. Чико сортының жасыл кивиі С витаминіне бай. Кивидің көптеген пайдалы қасиеті бар, ең бастысы - суық мезгілде бірқатар ауруларға қарсы иммунитетті күшейтетін С витамині. Айтпақшы, кивиде цитрус жемістеріне қарағанда екі есе көп аскорбин қышқылы бар. Екі түйір киви жемісі ағзаның күнделікті қажеттілігін қанағаттандырады.
Кивидің құрамында Е дәрумені бар. Токоферол ең күшті антиоксиданттардың бірі болып саналады. Бос радикалдарды тежеу арқылы жасушаның қартаюын баяулатады, шаршауды азайтады және өкпені ластанған ауадан қорғайды. Кивиді балаларға бергенде өте сақ болу керек - қышқыл жемістер жұтқыншақ пен көмейдің шырышты қабығын тітіркендіреді, сонымен қатар тілдің ісінуі де мүмкін.
4. Құрма
Құрма пальмаларында селен көп. Бұл элемент иммундық жүйені нығайтады, жүрек-тамыр жүйесі ауруларының қаупін азайтады.
Сондай-ақ құрманың құрамында тістерімізді кариестен қорғайтын фторид, сонымен қатар темір, магний, фосфор, калий, минералды тұздар, В тобындағы витаминдер, каротин және тіпті маңызды аминқышқылдары бар. Құрма ағзаны нығайтады, қуат береді.
5. Теңіз шырғаны
Теңіз шырғаны бета-каротин, А провитаминінің мөлшері бойынша барлық жеміс-жидектер арасында абсолютті чемпион болып табылады. Тіпті сәбіз де оған бәсекелесе алмайды. Бір шымшым жидек - ағзаның бета-каротинге күнделікті қажеттілігін қамтамасыз етеді. Ол иммундық жүйені, көруді қабілетін және теріні, шашты, тісті, қызыл иекті сақтау үшін таптырмас дәрумен. Теңіз шырғаны С дәруменіне бай.
6. Итмұрын
Итмұрынның құрамындағы аскорбин қышқылы қара қарақатқа қарағанда 10 есе, апельсинге қарағанда 100 есе көп. Кептірілген итмұрында С дәрумені бір жылға дейін бұзылмаған күйінде сақталады. Ересек адамның аскорбин қышқылына күнделікті қажеттілігін толығымен қанағаттандыру үшін кептірілген жемістердің бірнеше ас қасығын тұтыну жеткілікті.