Америкалық кәсіпкер Илон Маск АҚШ-тың экс-президенті Дональд Трамптың кеңесшісі болған екі ай ішінде 148 миллиард долларынан айырылды, деп хабарлайды Bild басылымы.
Соған қарамастан, Маск әлі де әлемдегі ең бай адам саналады. Оның қазіргі байлығы — 321 миллиард доллар, бірақ бұл көрсеткіш тез азайып келеді.
Бұған негізгі себеп ретінде Трамптың инаугурациясынан кейін Tesla компаниясының акцияларының 40%-дан астам құлдырауы аталып отыр. Басылым мәліметінше, Маск өзін бюрократиямен күресуші ретінде көрсетуге тырысқанымен, бұл әрекеті өзіне және компаниясына зиян келтірді.
Айта кетейік, 2025 жылдың ақпан айында Tesla небәрі 43 650 көлік сатқан. Бұл өткен жылмен салыстырғанда 6%-ға төмен көрсеткіш. Ал Еуропада компанияның сатылымы тіпті 75%-ға қысқарған.
Сонымен қатар, соңғы уақытта агрессивті белсенділер Tesla көліктерін өртеп, түрлі наразылық акцияларын ұйымдастырып жүр.