БАҚ жарыса шулаған мәліметті Экология министрлігі жоққа шығарды.
Экология министрлігінің Орман шаруашылығы комитеті аталған ақпараттың дұрыс берілмегенін айтты, деп хабарлайды Almaty-akshamy.kz
Бұған дейін Energyprom.kz мониторингтік агенттігі ұсынған ақпаратта Қазақстанда небәрі 99 ілбіс бар екені, ал бұдан бес жыл бұрын республикадағы қар барысының саны 223 бас болғаны айтылған.
Орман шаруашылығы комитеті аталған ақпараттың дұрыс берілмегенін айтты.
«Зоология институтының санағына сәйкес, Қазақстандағы қар барыстарының саны, бүгінгі күні 180-нен асқан», - делінген комитет хабарламасында.
БҰҰ-ның Қазақстандағы Даму бағдарламасының және ҚР Экология және табиғи ресурстар министрлігінің Орман шаруашылығы және жануарлар дүниесі комитетінің қар барысын сақтау жөніндегі ауқымды бастамасы бойынша 10 қар барысына спутниктік таратқыш орнатылған.