Ішкі істер министрлігі жол жүрісіне қатысушыларға ауа райының қолайсыздығына байланысты маңызды үндеу жолдады, деп хабарлайды aqshamnews.kz
Құрметті жол жүрісіне қатысушылар!
Ауа райы нашарлаған сайын жолда жүру қауіпсіздігі маңыздырақ бола түсуде. Көктайғақ, боран, қар немесе тұман жағдайында жолға шығу қауіпті. Мұндай жағдайда ұзақ сапарлардан бас тартуға кеңес береміз. Өз және өзгелердің өмірін қатерге тігіп, қиындыққа тап болмау үшін, ауа райының жақсаруын күткен жөн.
Егер жолға шығу қажет болса, келесі кеңестерді есте сақтаңыз:
- Жылдамдықты азайтыңыз.
- Қауіпсіз қашықтықты сақтаңыз.
- Басып озудан және жылдам жүрістен аулақ болыңыз.
- Мүмкіндігінше жақын маңдағы елдімекенге немесе қауіпсіз жерге тоқтаңыз.
Жол қызметтері, полиция және құтқару бөлімшелері тәулік бойы жұмыс істейді және кез келген жағдайда көмек көрсетуге дайын. Төтенше жағдай туындаған жағдайда дереу көмекке жүгініңіз.
Сонымен қатар, ауа райына байланысты жолдағы шектеулер мен ережелерді сақтаудың маңыздылығын ескертеміз. Шектеулерді бұзу өзіңізге де, басқаларға да қауіп төндіреді. Заң бұзушылар жауапқа тартылады.
Сіздің қырағылығыңыз бен жауапкершілігіңіз – өз үйіңізге аман-есен оралуыңыздың кепілі. Өзіңізге және жақындарыңызға қамқор болыңыз!