Халықаралық валюта қорының (ХВҚ) қазан айындағы есебіне сәйкес, 2026 жылы әлем экономикасы сақтықпен өсудің және белгісіздіктің арта түсетін кезеңіне қадам басады.
Ұйымның мәліметінше, әлемдік даму қарқыны фрагментацияның күшеюі мен протекционизмнің артуы аясында баяулап келеді. Негізгі қауіптердің қатарында – технологиялық компаниялардың акцияларының шамадан тыс бағалануы және мемлекеттік институттардың тәуелсіздігінің әлсіреуі, бұл экономикалық саясаттың сапасына әсер етуі мүмкін.
Әлемдік көшбасшылардың қатары өзгеріссіз қалды:
- АҚШ – болжамды ЖІӨ көлемі 31,8 трлн доллар (әлемдегі ең ірі экономика мәртебесін сақтап отыр);
- Қытай – 20,7 трлн доллар;
- Германия – 5,3 трлн доллар;
- Үндістан – 4,5 трлн доллар (2025 жылы Жапонияны басып озған орнын сақтап қалды).
Бұл рейтинг ЖІӨ-нің номиналды көрсеткіштерін АҚШ долларымен есептеп, әр ел экономикасының салыстырмалы салмағын көрсетеді.
Азия — Қытай, Жапония және Үндістан есебінен — алғаш рет Солтүстік Американы жалпы ЖІӨ көлемі бойынша басып озып, әлемдегі ең ірі экономикалық аймаққа айналмақ.