Талғар ауданының полиция басқармасы кейбір күдіктілердің пробация қызметінде есепте тұрғаны туралы қауесеттерге байланысты тексеру жүргізуді уәде етті.
«Полиция жедел әрекет етті. Алдымен жеті күдікті, кейін тағы үш адам ұсталды. Жергілікті полицияға тексеру жүргізілуде, неліктен пробациядағы адамдар түнде жүргенін анықтау керек. „Хуторские“ қылмыстық тобы полиция базасында жоқ. Қазір Шерзаттың әкесінің қолында пышаққа ұқсас зат болған-болмағаны бойынша сараптама жүргізіліп жатыр», — деп мәлімдеді ішкі істер министрінің орынбасары Бауыржан Аленов.
Сонымен қатар, Аленов бұл істің ерекше бақылауда екенін айтты:
«Алайда, қазір көптеген алып-қашпа әңгімелер мен жалған ақпараттар таралуда. Бұл тергеу тобының жұмысына кедергі келтіреді, өйткені олар қазірдің өзінде үлкен қоғамдық қысымға ұшырауда. Тергеу құпиясы бар, бірақ жалған ақпараттың таралуын тоқтату үшін біз бүгін брифинг өткізуге шешім қабылдадық».