Әзірше куәгерлерден жауап алу жалғасуда.
Естеріңізде болса, 2023 жылдың қарашасында 13 адамның өмірін қиған «Алматы Ала» хостеліндегі өртке қатысты сот отырысы Алматы қаласындағы Алмалы аудандық сотында өтіп жатыр, деп хабарлайды aqshamnews.kz
Өрт кезінде жатақханада тұрған студенттердің бірі ас үйдің артындағы жертөледен шығатын қосымша есік болғанын айтты. Бұл есік қорғаныс торы бар темір есік ретінде жабдықталған және тек желдету үшін ғана пайдаланылған, қалған уақытта ол жабылып тұрған.
Сонымен қатар, куәгер өрт басталған кезде дыбыс дабылы бірінші қабатта ғана жұмыс істеп тұрғанын, ал жарық дабылы мүлдем болмағанын атап өтті. Ол сондай-ақ бөлмелерде апаттық эвакуация жоспарларының жоқтығын айтты.