Жеке мектептер ескертусіз тексеріледі.
Оқу-ағарту министрі Ғани Бейсембаевтың сөзінше, дін білім саласынан бөлек тұруы керек. Өскелең ұрпақтан табысты тұлғаны қалыптастыруға тырысуымыз қажет дейді.
“Кәсіпкерлік кодексі бойынша бізде алдын ала ескертусіз жеке мектептерді тексеретін құзырет болған жоқ. Тіпті болған күннің өзінде прокуратураның рұқсатымен тексерілетін. Қазір бұл бағытта үлкен өзгерістер жүріп жатыр. Енді біз барлық білім беру ұйымдарының заңдылықтың орындалуын тексерумен сәйкестендіру үшін кез келген білім беру ұйымдарына ескертусіз кіруге мүмкіндік аламыз”, – деді министр.