Кеше Конституция күні қарсаңында"Азаматтарға арналған үкімет" МК КЕ АҚ ның Алматы облысының басшысы Бектұрсынов Талғат Бектұрсынұлы 10 жылдан аса халыққа қызмет көрсетіп келе жатқан, құрметке лайық әріптестерді қабылдады, деп хабарлайды aqshamnews.kz.
"Конституция – мемлекетіміздің негізгі заңы ғана емес, егемендігіміздің, тәуелсіздігіміздің және бірлігіміздің берік тұғыры. Ол еліміздің демократиялық даму бағытын айқындап, әрбір азаматтың құқықтары мен бостандықтарының кепілі болып келеді.
Халыққа қызмет көрсету орталығының басты мақсаты – азаматтардың заңмен бекітілген құқықтарын жүзеге асыруға жағдай жасау, мемлекеттік қызметтердің қолжетімділігі мен сапасын арттыру. Бұл жолда Сіздердің әрқайсыңыздың еңбектеріңіз ерекше бағалы.
Осы мерекелі күні Сіздерге зор денсаулық, отбасыларыңызға бақ-береке, кәсіби жолдарыңызға табыс тілеймін! Елге адал қызмет етіп, халықтың сенімін ақтай берейік!
Мереке құтты болсын!" - деп әріптестеріне ізгі тілегін жолдады филиал басшысы Талғат Бектұрсынұлы
Мереке соңы салтанатты іс - шараға ұласып, әріптестер алғыс хаттармен марапатталды. Естелікке сый - сияпаттар табысталды.