Халықаралық әйелдер күні қарсаңында Қазақстанның Төтенше жағдайлар министрлігі біздің керемет, күшті, батыл және шабыттандыратын қызметкерлерімізді құттықтауға арналған челленджді бастады!
Осы челлендж аясында ТЖМ күнделікті қауіпсіздікті қамтамасыз ететін және өмірлерді құтқаратын адамдар туралы сөз қозғайды.
Азаматтық қорғау органдарында әртүрлі кәсіптердегі әйелдер қызмет етеді, олардың еңбегі біздің жүйемізде маңызды рөл атқарады. Бұл әйелдер - ұшқыштар, кинологтар, құтқарушылар, диспетчерлер, радиотелефоншылар, инспекторлар, ТЖ басқармалары мен бөлімдерінің бастықтары, психологтар, дәрігерлер және орталық аппараттың мамандары. Осындай қиын жұмыста олар өз кәсібіне деген адалдықты отбасына қамқорлықпен біріктіреді, олардың көпшілігі көп балалы аналар.
Ар — намысы мен қадір-қасиеті бар әйелдер ерлер кәсібінің жүгін, яғни республика азаматтары мен аумағын әртүрлі сипаттағы төтенше жағдайлардан қорғауды өз мойнына алады. Азаматтық қорғау органдарындағы қызмет әйелдерден көптеген дағдылар мен жауапкершілікті талап етеді және олар өздерінің жұмысына деген адалдықтарында ер адамдардан кем түспейді.