Instagram әлеуметтік желісінде тараған жарнамалық хабарлама тарап жүр. Онда Halyk Bank сауалнамадан өткеннің бәріне 350 мың теңге төлеуге міндеттелгені айтылған, деп хабарлайды aqshamnews.kz.
Stopfake.kz бұл - алаяқтардың ісі екенін мәлімдедйді.
Бұл хабарламаның Halyk Bank-ке ешқандай қатысы жоқ. Жарнаманы пайдаланушылардың жеке деректеріне қол жеткізбек болған киберқылмыскерлер орналастырған.
Halyk Bank-тің ресми cайтында және Instagram және Facebook әлеуметтік желілеріндегі парақшаларында 350 мың теңге мөлшерінде төлем қарастырылған сауалнама жүргізу туралы ақпарат жоқ.
Halyk Bank сайтында интернетте, телефон арқылы және төлем жасаған кезде алаяқтардан қорғану бойынша толық нұсқаулық бар.
Сауалнамаларға қатысқаныңыз, лайк басқаныңыз немесе пікір жазғаныңыз үшін көп ақша ұсынатын жарнамаларға сенбеңіз және сақ болыңыз.