Ғалымдар бұдан былай журналдарға мақалалар жазумен ғана шектелмей, ғылыми жаңалықтар ашулары керек.
Ғылым академиясына мемлекеттік мәртебе беріледі. Себебі ой-тұжырым орталығы 20 жыл бойы ғылымды басқару ісінен тыс қалды. Президенттің осы тапсырмасынан кейін ғылым саласы қарышты дамуы керек. Ғалымдардың беделі де айқындалып, жұмыс істеу тәсілдері түбегейлі өзгереді, деп хабарлайды Almaty-akshamy.kz Qazaqstan.tv сайтына сілтеме жасап.
Былайша айтқанда, журналдарға мақала жазумен шектелмей, жаһанды таң қалдырар жаңалықтар ашулары шарт. Соған сай жағдай да жасалғалы отыр.
"Біріншіден, бұл – Ғылым академиясының мәртебесі. Енді мемлекеттік мәртебесі болады. Сонымен қатар оларға бюджеттен қаржы бөлінеді. Әрине, бұл Қазақстан ғылымының дамуының жолын белгілеу, айқындау", - деді ҚР Президенті жанындағы ҚСЗИ Саяси зерттеулер бөлімінің меңгерушісі Ермек Тоқтаров.