Стихиялық сауда орындарын тазартуға көп күш жұмсалды
7-8 наурызда бүкіл қала бойынша гүл сататын базарлар ұйымдастырылған, олардан кейін көгалдарда, аркаларда қоқыс үйінділері пайда болды, деп хабарлайды Almaty-akshamy.kz.
Түнгі кезеңде және 9 наурыз күні таңертең қалалық қызметтердің барлық күштері қала аумағын тазарту жөніндегі тікелей міндеттерін орындаудың орнына стихиялық сауда орындарын тазартуға және осы учаскелерді санитарлық нормаларға сәйкес келтіруге бағытталды.
Осыған байланысты Алматы қаласы коммуналдық инфрақұрылымды дамыту басқармасы тұрғындарға көшедегі тазалықты сақтауға шақырды.
«Біздің коммуналдық абаттандыру қызметшілері қаланы таза ұстауға тырысады, ал немқұрайлы қала тұрғындары оларға жұмыс қосады. Қала аумағында жүргізілген кез келген іс-шаралардан, жұмыстардан немесе саудадан кейін, арнайы бөлінген жерлерде тазалық пен тәртіпті қалпына келтіруді қамтамасыз етуді сұраймыз», - делінген хабарламада.
Абаттандыру ережелерін сақтамағаны үшін құқық бұзушылар ҚР «Әкімшілік құқық бұзушылық туралы» Кодексінің 505-бабына сәйкес әкімшілік жауапкершілікке тартылатынын еске саламыз.
