Жерорта теңізінен келген Tapinoma magnum құмырсқаларының ұзындығы 2-3 мм. Олар Германияның оңтүстігіне Швейцария арқылы жетті, деп хабарлайды aqshamnews.kz
Бұл инвазивті түр тез таралуда: алғашында Лёррах қаласында байқалса, кейінірек Кель, Гейдельберг, Карлсруэ, ал қазір Штутгартта да кездесуде. Бұл құмырсқалар электр және интернет кабельдерінің сымдарын кеміріп, электр энергиясы мен байланыстағы ақауларға себеп болуда.
Сарапшылардың айтуынша, құмырсқалар ауру таратпайды, бірақ кейбір адамдарда қысқа мерзімді аллергия немесе психологиялық стрессті тудыруы мүмкін.
Кельде құмырсқалар үйлерге еніп, бақша қоршауларын бұзып жатыр. Олар балалар алаңында миллиондаған құмырсқадан тұратын алып колония құрғандықтан, алаңды жабуға тура келді.