Елде эпидахуал ушығып барады
Бүгін коронавирус жұқтырған 34 мыңдай адам анықталды. Бұл – пандемия басталғалы ең жоғары көрсеткіш. Былтыр науқас саны бұдан аз болғанда, үкімет жалпыұлттық локдаун жариялап, барлық мекемелерді жапқан. Енді билік өкілдері шектеу шаралын дәл бұлай қатаңдатпауға уәде беріп отыр. Дегенмен ертеңнен бастап, вакцина салудан бас тартқан тұрғындар театр, кинозал, футбол ойындары мен мейрамханаларға бара алмайды. Дәрігерлердің айтуынша, науқастардың басым бөлігі екпе алмаған.
Айта кетейік, қазір Германияның 55 миллионнан аса тұрғыны вакцина салдырған. Бұл – халықтың 67%-і.
«Германияда 16 миллионнан аса адам вакцина алған жоқ. Олардың үш миллионнан астамы – 60 жастан асқандар. Ал бұл жастағылар осал топқа кіреді. Оларға бір айтарым бар, тезірек барып, екпе салдырыңыздар», - деді Роберт Кох атындағы институттың басшысы.