Алматыдағы Еуразия ғылыми-зерттеу институтында Әзірбайжан Республикасы Ұлттық Мәжілісінің депутаты әрі Мәдениет комитетінің төрайымы Ганире Пашаевамен кездесу өтті.
Профессор, ғылыми докторы Ганире Пашаеваның еліміздегі ұлттық университеттер мен мәдени және ғылыми орталықтарға жасаған сапары Гейдар Әлиевтің 100 жылдығына орай өтуде. Аталған кездесу тақырыбы да «Гейдар Әлиевтің 100 жылдығында Түркі әлемі» деп аталады.
Кездесуде Ганире ханым өз сапарының мақсаты және Түркі мемлекеттері арасындағы білім мен мәдениет саласындағы қарым-қатынастарға, өткені мен бүгініне тоқталып өтті. Сондай-ақ, Түркі әлемінің қазіргі интеграциясына қатысты ойларымен бөлісті.
«Қазіргі түркі мемлекеттерінің өзара интеграциялық байланыстарының дамуы мемлекет басшыларының саяси ерік-жігерлеріне тікелей байланысты», – деді Генире ханым.
Шараға соңында қатысушыларға Ганире Пашаева қазақ тілінде жарық көрген жыр жинағын тарту етті.