6 ай бойы мемлекет тарапынан реттеледі.
Еліміздің аумағындағы автогаз құю станцияларында автокөлікке жанармай құю үшін сұйытылған мұнай газының бөлшек саудадағы бағасы тағы 6 ай бойы мемлекет тарапынан реттеледі. Мұндай ретте ҚР Бәсекелестікті қорғау және дамыту агенттігі төрағасының бұйрығында көзделген, деп хабарлайды Almaty-akshamy.kz ҚазАқпаратқа сілтеме жасап.
Айта кетейік, Мемлекет басшысының 2022 жылғы 5 қаңтардағы тапсырмасы бойынша 5 шілдеде автогаз құю станцияларынан сұйытылған мұнай газын бөлшек саудада өткізуге шекті бағалар белгіленген еді. Газ бағасы өңірге байланысты литріне 70 теңгеге дейін болды. Аталған бұйрықтың қолданылу мерзімі 2023 жылғы 1 қантарда аяқталады.
Жалпы, сұйытылған мұнай газы нарығының бөлшек сегментінде еркін баға белгілеу жағдайында бағаның күрт өсу және қоғамдағы әлеуметтік шиеленістің пайда болу қаупі бар. Осыған орай кеше күшіне енген бұйрыққа сәйкес, 2023 жылғы 30 маусымға дейін Қазақстан Республикасының аумағындағы автогаз құю станцияларында автокөлікке май құю үшін сұйытылған мұнай газын бөлшек саудада өткізуге уақытша мемлекеттік бағалық реттеу ұзартылды.