Ақтөбе облысының Әйтеке би ауданына италиялық прус шегірткелері ұшып келген
Қазақстанда шегіртке зиянкестеріне қарсы күрес шаралары аяқталды, деп хабарлайды almaty-akshamy.kz
Осыған байланысты 2,8 млн гектар аумақта өңдеу жұмыстары жүргізілді, бұл жоспарланған көлемнің 110%-ын құрайды. Барлығы 15,8 млн гектар аумақ зерттелді, ол жоспардың 92,4% құрайды.
13 облыста — Абай, Алматы, Атырау, Шығыс Қазақстан, Жамбыл, Жетісу, Батыс Қазақстан, Қарағанды, Қызылорда, Павлодар, Солтүстік Қазақстан, Ұлытау және Түркістанда жұмыс толығымен аяқталды. Ал Ақмола, Ақтөбе және Қостанай облыстарында италиялық шегіртке түріне қарсы өңдеу жұмыстары жалғасуда.
Ауыл шаруашылығы вице-министрі Ермек Кенжеханұлы Орынбор облысынан Ақтөбе облысының Әйтеке би ауданына италиялық прус шегірткесі ұшып келгенін атап өтті. Аталған мәселе бойынша Ресей тарапымен бірлесіп зерттеу жүргізу жоспарланып отыр.
Сонымен қатар, вице-премьер Серік Жұманғарин Ресей Федерациясы Үкіметі төрағасының орынбасарымен жерді бірлесіп, жедел өңдеу мәселесін талқылайтын болады. Бұл әрекеттер шегіртке зиянкестерінің таралуын шектеу және Қазақстандағы ауыл шаруашылығы аумақтарын қорғауға бағытталған.