Байқоңыр ғарыш айлағынан «Союз МС-19» зымыраны орбитаға шығарылды
«Вызов» фильмінің түсірілім тобы әлемде бірінші болып ғарышқа ұшты, деп хабарлайды Almaty-akshamy.kz
Юлия Пересильд пен Клим Шипенко бірінші болып орбитада көркем фильмді түсіруді жоспарлап отыр.
Бұл ғарыш саласынан алыс, бірақ ғарышкердің өмірін сақтау үшін орбитаға ұшатын дәрігер әйел туралы фильм болады.
Экипажды мемлекеттік корпорацияның бас директоры Дмитрий Рогозин басқаратын мемлекеттік комиссия бекітті. Ол сонымен қатар фильмнің продюсерлерінің бірі.
Экипаж ХҒС-қа 3 сағат 17 минутта жетеді. Ғарыш стансасында оларды халықаралық экспедиция күтіп алады. Оның құрамында ресейлік Олег Новицкий мен Питер Дубров, америкалық Марк Ванде Хая, Шейн Кимбров пен Меган МакАртур, жапондық Акихико Хошиде (станса командирі) мен француз Том Песке бар.
Пересильд пен Шипенко ғарыш стансасында 12 күн болады деп жоспарланған. Экипаж 17 қазан күні Жерге оралады.