Таиландта 21 қарашаға қараған түні "Ғалам аруы - 2025" халықаралық сұлулық байқауының жеңімпазы анықталды. Тәж мексикалық сұлу Фатима Бош Фернандеске бұйырды, - деп хабарлайды aqshamnews.kz тілшісі.
Бұл кеште Қазақстан халқы 20 жастағы Дана Алмасоваға ерекше қолдау көрсетті.
Жеңімпаз туралы не белгілі?
26 жастағы Фатима Бош Фернандес кештің жұлдызына айналды. Ол сырт келбетімен ғана емес, білімімен, қоғамдық белсенділігімен де көзге түсті: Фатима экологиялық бастамалармен, жастардың мүмкіндігін кеңейтуге бағытталған әлеуметтік бағдарламалармен айналысады. Финалда ол әйелдердің климаттық күн тәртібіндегі рөлі туралы көзқарасы үшін ең жоғары бағалардың бірін алды.
Айта кетейік, Фатиманың есімі "Ғалам аруы - 2025" жобасына дайындық кезеңнен танылды. Байқау директоры Навад Ицасагрисил дайындықта оны міндетті промо-акцияларға белсенді қатыспады деп ел алдында айыптады. Ол Фатиманы "ақымақ" деп атады. Кейін бірқатар қатысушы Фатимаға қолдау білдіру үшін залдан шығып кеткен еді.
Қазақстан атынан кім қатысты?
Дана Алмасова - Қостанай облысының тумасы. Ол оқу, мансап және әлеуметтік миссияны қатар алып жүретін жас буынның өкілі. Халықаралық сахнаға дейін Алмасова алты жыл бойы балаларға арналған телебағдарламада жұмыс істеп, спортпен айналысқан, әрі PR мен жарнама саласында білімін жалғастырған. Сұхбаттары мен әлеуметтік желілерінде ол әйелдердің дамуы мен экологиялық жауапкершілік жайын көтергісі келетінін айтып, байқауды "Қазақстанды танытып, қыздарға өз күшіне сенуге шабыт беретін мүмкіндік" деп атап өткен. Көрермендер Даның дайындығын ерекше қызығушылықпен бақылап отырды, әсіресе тай боксы жаттығуынан түсірілген ролик көпшілікті тәнті етті.
Қазақстандық ару журналистер мен көрермендерді әсер қалдырған топ-5 қатысушының қатарына кірді.