Қазақстандық футболшы Максим Самородов Ресей өкілі Максим Кигинькомен 2025 жылдың 14 қыркүйегіне дейін қолданыстағы келісімшарттың 6.4-бабын бұзғаны үшін, яғни делдалды алдын ала жазбаша хабардар етпей, Футбол клубымен еңбек келісімшартын жасағаны үшін, 3 млн еуро айыппұл төлеуге міндетті, деп хабарлайды aqshamnews.kz.
Бұған дейін ресейлік футбол инсайдері Иван Карпов Самородовтың Ахматқа өту туралы келіссөздерін футболшының атынан Актобе емес, Қазақстан футбол федерациясының президенті Әділет Барменқұловтың өзі жүргізіп жатқанын хабарлаған еді. Карпов: «Бұл қандай деңгей!», - деп жазған болатын.
Сонымен қатар, қазақстандық журналист Тимур Қамашев BorodAbata подкастында: «Қазақстан футбол федерациясының президенті Әділет Барменқұлов Максим Самородовтың трансферінен қанша алды?» деген сұрақ қойған.
Transfermarkt ақпараты бойынша, Грозныйдың Ахмат клубы Самородов үшін «Ақтөбеге» бір миллион еуро төлеген, бұл — актөбеліктердің тарихындағы ең ірі сату. Қазақстан валютасында бұл сома 528,6 миллион теңгені құрайды.