2023 жылы 28 мамырда Алматы қаласы Жастар саясаты басқармасының қолдауымен, Алматы қаласы Жастар саясатын дамыту мемлекеттік қоры және «Funky Dance» би орталығымен бірлесіп ұйымдастырған жаңадан бастаушы бишілерге арналған «Fun Box» батлы өтті.
Батл әркімге өзінің би өнерін көрсетуге мүмкіндік берді. Жаңадан бастағандар ма, әлде тәжірибелері бар ма, бәрі де биге деген құмарлығын көрсетіп, басқа дарынды бишілермен бәсекеге түсе алды.
«Біз әрбір қатысушыға өзінің ерекшелігін сезінуге және бірегей биші болуға көмектесуге тырыстық. Іс-шара барысында DJ мен MC, төрешілер өз білімдерімен және шабыттарымен бөлісті. Батлға 12 жасқа дейінгі балалар мен бимен 3 жылға дейін айналысқан бишілер қатысты», - деп түсіндірді «Funky Dance» би орталығының негізін қалаушы Марат Ягфаров.
Әділқазылар алқасы Kama, b-boy Fix и Nadi Ihow Kz сияқты танымал бишілерден құралды. Ал, MC QuickSan, DJ Almas и DJ Mukash энергия мен позитивке толы атмосфера құрды.
Батлда «hip-hop kids, hip-hop beginners, breaking kids, breaking beginners, waacking beginners және all styles beginners» сияқты әртүрлі номинациялар болды. Осылайша, қатысушылар өздерінің талғамдарына сәйкес келетін стильді таңдау мүмкіндігіне ие болды. Жеңімпаздар мақтау қағаздарымен және сыйлықтармен марапатталды.
Бұл жас және талантты бишілердің басын қосып, сиқырлы атмосфераны тудырған және барлығын керемет би қойылымдарына шабыттандырған ұмытылмас күн болды!