Жекпе-жек қарсаңында спортшылар көз арбасты
Бокстан жеңіл салмақта IBA және WBU нұсқалары бойынша әлем чемпионы қазақстандық Фируза Шәріпова 29 шілде күні Алматыда Octagon 33 турнирінде ММА-дегі дебюттік жекпе-жегін өткізеді, деп хабарлайды Almaty-akshamy.kz ҚазАқпаратқа сілтеме жасап.
Sports.kz сайтының мәліметінше, 27 жастағы қазақстандықтың қарсыласы аралас жекпе-жек спортшысы, 18 жастағы ресейлік Карина Оңдасынова болмақ.
Ресейліктің MMA-дегі рекорды – 2-0.
Жекпе-жек қарсаңында спортшылар салмақ өлшеу рәсімінен өтіп, көз арбасты.
Өткен жылдың желтоқсан айында Фируза Шәріпова WBA, IBF, WBO, WBC және The Ring нұсқалары бойынша белбеулер үшін болған титулдық жекпе-жекте ирландиялық Кэти Тейлордан жеңіліп қалды.