Финляндия энергиялық қауіпсіздікті қамтамасыз ету және климат өзгерісімен күресу мақсатында атомдық энергияны басым бағыт ретінде таңдаған ел. Еуропадағы ең қуатты атом электр станциясы да осы елде орналасқан.
Финляндиядағы Еуропа бойынша ең қуатты атом реакторы сәуір айында пайдалануға берілді. Жақында осы елде ядролық отын қалдықтарын сақтайтын әлемдегі тұңғыш геологиялық сақтау базасы іске қосылмақ.
Ядролық отын қалдықтарын сақтайтын қойма жерден жарты шақырым тереңдікте орналасқан. Яғни, Финляндияның батыс теңіз жағалауындағы табиғи жыныстардың астында 433 метр тереңдікте салынған. Оған жету үшін 50 шақырымнан астам туннель қазылған. Құрылысты аяқтауға 20 жыл уақыт жұмсалған.
- Ядролық отын қалдықтарын сақтауға геологтар бұл орынды арнайы таңдаған. Себебі, жер астындағы бұл табиғи орын кем дегенде 2 миллиард жылдан бері тұрақтылығын сақтап келеді. Ғалымдардың пікірінше, 100 мыңдаған жыл сақтауға тиіс ядролық отындар үшін бұндай табиғи орта өте қолайлы.
- Финляндия Еуропада атом электр станцияларын қолданушы елдердің бірі. Сәуірде ғана елде Еуропа бойынша ең қуатты ядролық реактор іске қосылды. Сонымен бірге, Финляндия жақында ядролық отын қалдықтарын сақтаушы геологиялық құрылысын да аяқтау алдында тұр.
- Финляндияда пайдаланылғалы отырған бұл ядролық отын қалдықтарын сақтау базасы әлемде алғаш рет іске қосылғалы отырған геологиялық база болмақ. Құрылысты аяқтауға 20 жыл уақыт жұмсалған.
Финляндияда қазір 5 атом электр станциясы жұмыс істеп тұр. Ел халқының басым бөлігі атом энергиясын пайдалануды қолдайды. Аталған жоба аяқтала салысымен, жер бетіне таяу бассейндерде сақталып тұрған жалпы көлемі 6,5 мың тонна ядролық қалдықтар сол жерге көшірілмек. Бұл арқылы Финляндия ядролық отын қалдықтарын қауіпсіз сақтаушы елге айналуы мүмкін.