«Омикрон» нұсқасының жаңа формалары шығып жатыр.
Мамандар жаз басталысымен коронавирустың жаңа толқыны болады деп болжап отыр. Себебі Еуропа елдерінде КВИ жұқтырғандар саны өсіп келе жатыр, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
Коронавирустың жаңа толқыны демалыс маусымына әсер етері сөзсіз. Статистикаға арналған «Our World in Data» сайтының деректері бойынша Португалия, Германия, Франция, Италия, Испания, Греция, Дания және Нидерландыда коронавирусты жұқтырудың саны едәуір артуда.
Португалия
Португалия мамыр айының ортасынан бастап инфекцияның өсуімен күресуде. Елде әлі күнге дейін Еуропада тіркелген инфекцияны жұқтыру жағдайларының ең жоғары апталық көрсеткіші сақталуда. «Омикронның BA.5» жаңа қосымша нұсқасы коронавирустың таралу көрсеткішінің жоғарылауына себеп болды. Португалияда 90% анықталған жұқтыру жағдайлары қазір осы вирустың түрінен туындаған.
«Португалияда жұқтырудың апталық индикаторымен бірге өлім-жітім де өсті. «Our World in Data» мәліметтеріне сәйкес, елде барлық Батыс Еуропа елдерінің халқы арасында тұрғындар санын есепке алғандағы ең жоғары өлім-жітім болып табылады»,- делінген хабарламады.
Германия
Германияда 100 000 тұрғынға шаққандағы сырқаттанушылықтың апталық көрсеткіші 400-ден асады. Роберт Коха атындағы институт соңғы күндері 119 000 жаңа коронавирусты жұқтырғандар туралы хабарлады. Бұған BA.4 және BA.5. нұсқалары себеп болуы мүмкін. Бірақ институт басшысы орынбасарының айтуынша, қорғаныс шараларын алып тастау коронавирустық жағдайдың нашарлауына ықпал етеді.
«Италияда аурудың апталық индикаторына сәйкес, жаңадан жұқтырғандардың саны да күрт өсті. Италияда ол екінші апта қатарынан көтерілуде, вирустың таралу жылдамдығы тағы да эпидемия деңгейіне жетті», - деп хабарлады Италия Денсаулық сақтау министрлігі.