Футболдан 2024 жылғы Еуропа чемпионатында бүгін, 24 маусымда үшінші тур ойындары басталады, деп хабарлайды аlmaty-akshamy.kz.
Бұл күні В тобында Албания мен Испания ойнайды. Кездесу Дюссельдорф қаласындағы «Меркур Шпиль-Арена» стадионында болады.
Екі құрама бұған дейін 8 мәрте кездесті. Барлығында Испания құрамасы жеңіске жетті. Сондай-ақ аталған топтағы тағы бір кездесу Хорватия мен Италия арасында болады.
Кездесу Лейпциг қаласындағы «Ред Булл-Арена - Центральштадион» стадионында болады. Қазірге дейін құрамалар 9 мәрте кездесіп, 3-де Хорватия, 1-де Италия басым түссе, қалғанында тең нәтиже тіркелді.
Ойындар Қазақстан уақытымен 00.00-де «Qazaqstan» және «Qazsport» телеарналарынан тікелей эфирде көрсетіледі.