Егер автокөлік 20 жылдан астам уақыт пайдаланылып келсе, салықтың жартысын төлейді.
Енді 20 жылдан артық пайдаланылған көліктерге салық азаяды.
Қаржы вице-министрі Ержан Біржановтың сөзінше, жаңа Салық кодексінде ескі көліктерге салық мөлшерін азайту туралы норма бар, деп хабарлайды aqshamnews.kz
– Әрине, жобада ұсынылған осы норма сақталды. Егер автокөлік 20 жылдан астам уақыт пайдаланылып келсе, салықтың жартысын төлейді. Ал 10 жылдан асқан автокөліктерге салық 30 пайызға азаяды, – деп нақтылады Ержан Біржанов.
Қаржы вице-министрі қазіргі уақытта елді мекендер мен шалғай ауылдарда ескі көліктердің көп екенін жасырмады.
– Осы тұрғындардың салық жүктемесін жеңілдету үшін мұндай нормаларды енгізіп отырмыз. Бұл норма қозғалтқыш көлемі үлкен немесе шағын көліктердің барлығына қатысты. Жол талғамайтын (жоғары салық төлейтін) көліктер де қамтылады, яғни 20 жылдан асса, 50 пайызын төлейді, – деп қоса кетті вице-министр.