Интернет-алаяқтық пен есірткі саудасынан түскен кірістерді жылыстатуға арналған 130 алаң жойылды, деп хабарлайды aqshamnews.kz
Тергеп-тексеру нәтижесінде 16,7 млн USDT-ке тыйым салынды.
«Есірткі дүкендерінің» иелері мен киберқылмыскерлер ақшаны банк шоттарына, не криптовалюта түрінде айырбастау қызметін көрсететін әмияндарға аударады. Одан әрі бұл қаражат конвертацияланып, қаржылық транзакциялар тізбегі арқылы ақшаның шыққан көзі жасырылады. Заңсыз табысты «тазарту» үшін арнайы ақы алынады. Мұндай операциялар үшін көбіне дропперлердің банк карталары мен әмияндары пайдаланылады.
Қаржы мониторингі агенттігі айырбас қызметтерін тек ресми тіркелген және лицензияланған провайдерлер арқылы жүзеге асыруды ұсынады.