Қазақстан қоғамы өзінің ел тізгінін ұстар азаматына дауыс берді. Сайлаушылар өз таңдауын жасады. Сөйтіп, мемлекет басқарар тұлғаны таңдады.
Біздіңше, Қ.К.Тоқаевтың кандидатурасын ел-жұрттың жақтағаны орынды болды деп білеміз. Мемлекет басшысы Алматыдағы қалың көпшілікпен кездескен шақта елдің әлеуметтік-экономикалық хал-ахуалын жақсартуға байланысты бастамаларымен бөлісті. Онысы көпшілік тараптан қолдау тапты. Ал бірақ өзге кандидаттар немқұрайдылық танытты. Не анда емес, не мұнда емес болды. Алға қойған нақты істері мен жоспарларының жүйесі болмады. Мұны халық та айтып жатыр. Дегенмен, болашақта талай өзгеріс боларына сенеміз. Ең бастысы, ел іргесі сөгілмесін. Береке мен бірлік бар жерде даму болады.