Ержан Байтілес «Қазақ газеттері» ЖШС бас директоры болып тағайындалды, – деп хабарлайды aqshamnews.kz тілшісі.
Ержан Байтілес туралы
Ержан Айтөреұлы Байтілес 1981 жылы Қызылорда облысында дүниеге келген. Әл-Фараби атындағы Қазақ ұлттық университетін журналистика мамандығы бойынша тәмамдаған.
Қарымды қаламгер «Алматы ақшамы», «Алты Алаш», «Ана тілі», «Egemen Qazaqstan» секілді еліміздің іргелі басылымдарында тілші қызметін атқарып, журналистиканың барлық сатысынан өтті.
Жұмыс тәжірибесі
2008-2011 жылдары республикалық «Ана тілі» газеті бас редакторының бірінші орынбасары болды. Кейін республикалық «Egemen Qazaqstan» газетінің меншікті тілшісі болып жұмыс істеген.
2018-2019 жылдары «Nur Otan» партиясы Қызылорда облыстық филиалы төрағасының орынбасары болды.
2019 жылы Президенттің баспасөз қызметі секторының меңгерушісі, 2021 жылдан 2023 жылға дейін Мемлекеттік кеңесші Хатшылығы меңгерушісінің орынбасары қызметін атқарды.
Ал 2023 жылдан ҚР Президенті Баспасөз хатшысының орынбасары қызметін атқарды.
Алдыңғы басшы
Айта кетейік, бұған дейін «Қазақ газеттері» ЖШС-ін профессор, ҰҒА академигі Дихан Қамзабекұлы 2022 жылдан бері басқарып келді.
Оқи отырыңыз: Атыраулық 12 жас 12 миллион грант ұтып алды