Тізімді Телеграм бот, Веб портал, хабарласу орталығы арқылы білуге болады.
4 наурыздан бастап Парламент және мәслихат депутаттарына дауыс берем деген қазақстандықтар өзінің сайлаушылар тізімінде бар-жоғын тексере алатыны бұған дейін де айтылған, деп хабарлайды Almaty-akshamy.kz
Мамандардың айтуынша, мемлекеттік база негізінде құрылған тізім дайын болады. Тек азаматтарға қандай да бір қателер болмауы үшін саяси науқанға 15 күн қалғанда өзін тізімнен тексеру мүмкіндігі беріледі.
Түрлі себеппен тіркелген жері бойынша дауыс бере алмайтын азаматтар 18 наурызға дейін тұрғылықты жерінен есептен шығу куәлігін алуы керек.
ҚР Орталық сайлау комиссиясы төрағасының орынбасары Константин Петровтың мәліметінше, азаматтарды белгілі бір сайлау учаскесіндегі сайлаушылар тізіміне енгізуді SMS-хабарлама арқылы ұйымдастыру үшін цифрлық қорғалған нысанда сайлаушылар деректерінің барлық массивін Цифрлық даму, инновациялар және аэроғарыш өнеркәсібі министрлігіне жіберіледі.