Бұл сұраққа көп ойланудың қажеті жоқ. Ол бұған дейін талай айтылып келе жатқан қант пен фастфуд. Бұл екеуі - сау терінің басты жаулары.
Андрян есімді дәрігер-дерматолог, косметологтың айтуынша, фастфуд пен қант – әдемі әрі сау терінің басты жаулары. Маман бұл екеуінен басқа да терінің ерте қартаюына әкелетін өнімдерді атады.
Андрян көп жағдайда терінің денсаулығы мен сұлулығы тамақтануға байланысты екенін түсіндірді.
«Терінің басты жауы - қант. Ол гликацияны тудырады — яғни, ол қанттың ақуыздармен бірігуі және коллагеннің одан әрі тығыздалуы. Бұл процестің әсерінен әжімдердің пайда болуы жылдамдайды», - деп ескертті ол.
Алайда, дәрігердің айтуынша, қанттан толығымен бас тартудың қажеті жоқ, тек тамақтану рационында оның мөлшерін азайту керек. Сол себепті ол күнделікті мәзірде жылдам көмірсулардың мөлшерін азайтуды ұсынды.
Тері денсаулығына фастфуд та, снектер мен алкоголь де теріс әсер етеді, деп жалғастырды Андрян. Алкоголь, дерматологтың айтуынша, дененің сусызданып , құрғауын тудырады, соның салдарынан бетте тамырлы тор пайда болады, ұсақ әжімдер көріне бастайды.
Сондай-ақ, ісінуге бейім адамдарға 19:00-ден кейін жеміс жемеуге тырысу керек. Себебі, олардың құрамында фруктоза бар, ол да денеден су шығарады. Жемістерге балама ретінде антиоксидантқа бай мына жидектерді тұтынса болады: таңқурай, көкжидек, қарақат, мүкжидек.
Терінің денсаулығын сақтау үшін Андрян талшықтар мен ақуыздарды жеткілікті мөлшерде тұтынуға кеңес берді. Сонымен қатар, ол атап өткендей, өсімдік ақуыздары жануарлар ақуызын алмастыра алмайды.
«Терінің саулығы үшін дұрыс тамақтану ғана емес, жалпы салауатты өмір салтын ұстану да маңызды. Ол үшін қанық ұйқы, күйзелістермен күресіп, үнемі жаттығулар жасау керек», — деп қорытындылады дәрігер.