Радиоактивті қалдықтарды қауіпсіз сақтап, оны қайта пайдалануға болатынын Қытай, Франция, Америка өз тәжірибелерімен дәлелдеп отыр.
Пайдаланылған ядролық отынның ерекше қасиеті — оның болашақтағы мүмкіндіктері. Шын мәнінде, ол алтынмен тең келетін байлық көзі деп есептеледі.
Біздің елде де мысал бар: Актаудағы БН-350 реакторының пайдаланылған отыны 20 жылдан астам уақыт бойы қауіпсіз сақталуда және ешқандай мәселе туындаған жоқ.
Болашақта бұл отынды қайта өңдеп, оны жаңа энергия көзі ретінде қайта пайдалануға болады.
Ядролық отынның тек 5%-ы ғана жанып, энергия береді, қалған бөлігі әлі де пайдалануға жарамды.
Осы бағытта әлемде радиохимиялық қайта өңдеу технологиялары белсенді дамуда, және Қазақстан да бұл үдерістің ажырамас бөлігі болуға ұмтылып отыр.
Біз атом энергетикасын қауіпсіздік стандарттарына сай дамыта отырып, бұл саланы болашақ ұрпақ үшін тиімді байлық көзі ретінде қарастыруға тиіспіз.