Ел танитын, жаһандық саясатта беделі адамның елімізге қажет екені айқын.
«Джиу джитсу» спортының бапкері Ерлан Тлеумбетов сайлауға қатысып, өз таңдауын жасады, деп хабарлайды Almaty-akshamy.kz.
«Көппен бірге Президент сайлауында өз таңдауымызды жасадық. Алматы қаласының Ақсай-2 ықшам ауданында орналасқан №188 дауыс бердік. Өзіміз спорт саласында қызмет етіп келеміз. Спорт саласы бойынша патриот бапкерлер көп. Енді ел болғаннан кейін әртүрлі адам болады. Кейбірі жұмыс істеуге құлқы аз. Олай болатыны, жалақы бұрындары мардымсыз болды. Қазір шүкіршілік, спортқа қолдау артып келеді. Біртіндеп айлықтар да көтерілуде. Міне осындай шаруаларды шеше алатын ел танитын, жаһандық саясатта беделі адамның елімізге қажет екені айқын. Біз жоғарыдағы мысалды текке айттпадық. Мұның астары терең. Бір сөзбен айтқанда шәкірт тәрбиелеп, мықты бапкерлер қатарын көбейту қажет. Сонда олар елдің абыройын спортта көтереді. Патриоттар әр салада өскені жөн.Қазақстанымыз алға баса берсін!», - деді ол.