Референдум жарияланған күннен бастап, АЭС салуға қатысты азаматтардың сұрақтарына жауап берген көптеген кездесулер өткізілді. Бүгін біз сіздермен атом электр станциясын салудың маңыздылығын талқылау үшін бас қосып отырмыз.
Атом электр станциясы жобасы жаңа жұмыс орындарын ашып, станция орналасқан аймақта инфрақұрылымның дамуын ынталандырады. Атом энергетикасы ұзақ мерзімді перспективада электр энергиясының тұрақты бағасын қамтамасыз етеді, бұл өнеркәсіпті дамыту және Қазақстан экономикасының бәсекеге қабілеттілігін арттыру үшін өте маңызды.
Сондықтан, баршаңызды мемлекеттің болашағы үшін, ұрпақтарымыздың келешегі үшін АЭС салу жөніндегі бастаманы бірауыздан қолдауға шақырамын!