Әлеуметтік желілерде Шымкентте кәмелетке толмаған қыздың ұрланып, зорланғаны туралы ақпарат тарады. Полиция тергеуді бастады, - деп хабарлайды aqshamnews.kz тілшісі.
Әлеуметтік желілерде айқайлаған қызды көліктен сүйреп шығарып жатқан сәттің видеосы жарияланды. Көліктің маңына көп ер адам мен әйелдер жиналған, олардың бірінің қолында ақ орамал бар.
Жазбада Шымкентте кәмелетке толмаған қыз өзін ұрлап, еркінен тыс бөтен үйге алып барғанын айтқан. Күдіктінің туыстары оны қалуға үгіттеген, ал қыз бас тартқанда өз қолымен ешқандай шағымы жоқ екені туралы хат жазуға мәжбүрлеген көрінеді.
Жәбірленушінің айтуынша, оқиғадан кейін ешкім жауапқа тартылмаған.
Шымкент Полиция департаменті қала тұрғынының арызы бойынша қылмыстық іс қозғалғанын мәлімдеді.
"Істің барлық мән-жайын анықтау үшін қажетті тергеу шаралары кешені жүргізіліп жаты", – деді ведомство өкілдері.
Еске салайық, адамның еркіне қарсы некеге тұрғызу мақсатында ұрлау, сондай-ақ некеге тұруға немесе бірге тұруға мәжбүрлеу үшін қылмыстық жауапкершілікті көздейді.