Қазақстанда атом электр станциясын салу мәселесі бүгінгі таңда аса маңызды және өзекті болып отыр. Біз, Қазақстан Республикасы Парламенті Мәжілісінің депутаттары, АЭС-ті қолдайтын Халықтық штаб мүшелері ретінде аймақтардағы халықпен кездесіп, осы мәселені талқылаудамыз. Қостанай облысындағы кездесулеріміз барысында студенттерден бастап энергетика саласының мамандарына дейін көптеген азаматтарымыздың пікірін тыңдадық.
АЭС салу – еліміздің энергетикалық қауіпсіздігін қамтамасыз етудегі маңызды қадам. Энергия тапшылығының жылдан-жылға артып келе жатқанын ескерсек, атом энергетикасы – еліміз үшін баламасыз шешім. Бұл станция мыңдаған жаңа жұмыс орындарын ашып, технологиялық инновацияларға жол ашады. Сонымен қатар, бұл біздің экономикамыздың өсуіне қуатты серпін береді.
Атом электр станциясы – Қазақстанның болашағы үшін қажетті жоба. Энергия тапшылығын болдырмау үшін АЭС салу өте маңызды. Жастарымыз осы салада жаңа мамандықтарды игеріп, еліміздің энергетикалық дербестігін қамтамасыз ететін болашақтың негізгі күштеріне айналады.
Қазақстан үшін бұл жоба – елдің дамуына үлес қосатын үлкен мүмкіндік. Алдағы референдумда азаматтардың пікірі ерекше рөл атқарады. Әрқайсымыздың дауысымыз – еліміздің ертеңін анықтайтын маңызды қадам.