Әйелін ұрған еркектерге психологиялық көмек көрсетіледі.
Зорлық-зомбылыққа қатысты әкімшілік немесе қылмыстық құқық бұзушылық жасағандарға емханаларда психологиялық қолдау көрсетіледі, деп хабарлайды Almaty-akshamy.kz
Денсаулық сақтау министрі 2024 жылғы 29 маусымдағы бұйрықпен денсаулық сақтау ұйымдарында әкімшілік, қылмыстық құқық бұзушылық жасаған адамдарға психологиялық көмек көрсету қағидаларын бекітті.
Бұл көмек мінез-құлықты өзгертуге және келесі оқиғалардың алдын алуға бағытталған. Сессияларды осындай клиенттермен жұмыс істеу үшін арнайы дайындалған психологтар жүргізеді, оның ішінде сенімді қарым-қатынас орнату, мінез-құлық аспектілерін түзету және араласу нәтижелерін бағалау кезеңдері қамтылған.
Психологиялық көмек емханаларда көрсетілетін болады.
Көмек сот актісі негізінде көрсетіледі. Психологиялық консультациялар психолог кабинетінде жүргізіледі. Мұндай адамдарға психологиялық көмек көрсетуге қарсы көрсеткіштер ретінде стационарлық емдеуді қажет ететін аурулардың немесе жұқпалы аурулардың болуы деп танылды.
Бұйрық 2024 жылғы 15 шілдеден бастап қолданысқа енгізіледі.